Сакам да ги споделам впечатоците и моето мислење по присуството на конференцијата  TMRW, дали сме спремни за Web 3.0?
Минатата недела, Белград беше домаќин на најголема конференција во Европа, а втора во светот, фокусирана на Метаверс, Web 3.0 и неговите „децентрализирани деривати“ Blockchain, NFT и Crypto.

Она што ја направи конференцијата уште поинтересна, беше неверојатниот пад на крипто пазарот, токму во неделата кога се одржуваше истата. Монетата која почувствува најголем пад беше Тера (Луна).
Тера (Луна), која беше меѓу 10-те највредни криптовалути, падна под еден долар, откако минатиот месец достигна максимални 120 долари.
Со оглед на тоа што Тера (Луна) е директно поврзана со еден од најпознатите Stablecoins, USDT (Tether), падот се почувствува и кај некогаш најбезбедната депозит монета за криптовалути.
Тимот зад Tether реагираше навреме со над 300 милиони долари за да ја врати стабилната вредност на USDT на 1 долар.

Но, да се ​​вратиме на главната тема и впечатокот што ми го остави конференцијата и воопшто иднината на Web 3.0.
Конференцијата траеше три дена во центарот Belexpo – Нов Белград, каде организаторите истакнаа дека имаше над 3.000 посетители.
Првиот ден беше посветен на воведните панели кои беа одржани на главната сцена, како и свеченото отворање, чие финале беше достојно за восхит.
Во текот на следните два дена од конференцијата, посетителите имаа можност да ги проследат панелите во три различни сали, секоја со различно и интересно име: NFT TIX Stage и Belgrade stage, како и да учествуваат на ECD Workshop.

Преполниот распоред, преклопувањата на панелистите, големата гужва пред салите, ги разочара посетителите, оставајќи лош впечаток на самата организација на настанот. Сепак треба да се има предвид дека конференција од ваков тип се одржа за прв пат на Балканот, а поради тоа овој пат може да се прогледа низ прсти, со обврска следната година организаторите да ги поправат недостатоците.
Она што ми остави впечаток од организацијата беше изборот на панелисти од целиот свет. Но, уште еден недостаток се однесува на  најпознатото име меѓу говорниците на конференцијата, околу кое конференцијата го градеше маркетингот, основачот на фондацијата Tether / Omni fondation Craig Sellars, основачот на stablecoin, кој доживеа пад.

Неговиот панел беше планирано да се оддржи третиот ден, но не се одржа на главната сцена, туку во помалата сала на NFT Tix (еден од спонзорите на настанот) преку линк. Да, добро прочитавте, говорникот кој беше главниот магнет за посетителите не се ни појави во живо, туку се „дружеше“ со посетителите половина час преку стандарден веб 2.0 линк (барем можеше да биде метаверс панел :)).
Според мое скромно, но доста критичко мислење, ова е најголемиот неуспех во организацијата, или можеби Craig мораше да го откаже патувањето поради стресот што го доживеа минатата недела. 😊

Спротивно на овие впечатоци, она што голем број посетители имаа можност за прв пат да го видат е панелот што се одржа во Метаверс. Станува збор за панелот кој се одржа првиот ден на главната сцена со наслов: „All.art & SolSea: Creator economies and NFTs of the future“, чиј модератор беше Витомир Јевремовиќ додека како панелисти се појавија : Крис Андерсон, Лео Кајард и Томо Вукасовиќ.

За да не биде се така црно, следните панелисти дополнително се потрудија да остават впечаток, чии настапи и презентации беа за пофалба, безрезервно споделувајќи го своето искуство и знаење:

• Иван Бјелајац (MVP Workshop) Web 3.0 and DAO – Beyond building products
• Витомир Јевремовиќ (Solsea/all.art) – NFT beyond the collections
• Џуди Сахај (CROWD WEB3) – How to market and successful launch a NFT Project
• Марина Грујиќ (NFTGo) – Discord & NFT safety

Да се вратиме на главната тема во овој текст. Дали сме подготвени за Web 3.0? Мојот одговор би бил: СЀ УШТЕ НЕ СМЕ!

Како ентузијаст за Web3 т.е. Blockchain и некој кој неуморно ја следи и учествува во Интернет револуцијата преку развојот и маркетингот на некои од проектите, некој кој верува во важноста и потребата на Web3, бев непријатно изненаден од овој одговор.

Веројатно се прашувате зошто?

На конференцијата присуствуваа посетители од целиот свет, па токму затоа очекував поголема посетеност и интерес за Web 3.0 на луѓе од ИТ индустријата, но за жал реалноста не беше таква. Повеќето од нив беа оние кои слушнале за крипто и NFT како „алатка“ за брзо стекнување на материјално богатство.
Ова е главната причина зошто „светот“ сѐ уште не е подготвен за Web 3.0 како и за она што истиот го нуди за глобалното добро.
Исто така би сакал да им посочам на сите оние кои го читаат овој текст која е главната карактеристика на идејата околу Web 3.0 и зошто примарните мотиви не треба да бидат стекнувањето големи материјални придобивки.

Извор: freepik.com

Зошто е важно да знаеме што е Web 3.0?

Според некои, Web 3.0 претставува демократизиран интернет, а со блокчејн како столб, Web 3.0 ќе им даде на луѓето – а не на корпорациите – контрола врз податоците, дигиталните средства, апликациите и платформите. Интернетот би бил децентрализиран без технолошките гиганти во иднината на Web3. Можеме да го погледнеме подемот на новите социјални платформи, пребарувачи и пазари изградени во сопственост на колективи, а не на корпорации. Со ова, крајните корисници би ја вратиле својата моќ и контрола врз сопствените податоци.

Што ни носи Метаверс?

Метаверс е концепт на 3Д виртуелна мрежа кој сè уште се развива со фокус на социјалните мрежи. Тоа не е Web3, туку на него се гледа како на дел од Web3, чиј концепт е хипотетичка итерација на интернет како единствен, унифициран виртуелен свет до кој се пристапува преку VR или AR слушалки.

Зошто блокчејн технологијата е важна за сите нас?

Ќе го цитирам Младен Мердовиќ, претседателот на Bitkoin здружението на Србија, кој во една прилика за Netokracijа изјави:
„Blockchain е база на податоци што не се наоѓа на едно место, туку се состои од помали бази на податоци (блокови) кои се дигитално поврзани и кои содржат информации за дигитални трансакции од секаков вид: од имотни листови, преку податоци од матична книга на родени, до договори кои регулираат авторски права. При нивното разменување, нема регулатор освен самата мрежа, која содржи информации за сите трансакции што некогаш се случиле. Така, за разлика од класичната онлајн база на податоци, технологијата Blockchain овозможува комуникација со неколку компјутери (сервери) меѓу кои се врши трансакцијата“.

Сметам дека сѐ додека целата заедница на поддржувачи на идејата за Web 3.0 и неговите „деривати“ Crypto и NFT не се филтрира од оние кои бараат само брзи и големи профити преку ноќ, ние како општество нема да имаме голема корист од истото. За жал, постои можност преминот од Web 2.0 на Web 3.0, кој хипотетички траеше 3-5 години, да потрае многу подолго.

NFT, како неверојатна идеја што може да се имплементира во добро познати механизми со многу поголема вредност за сопствениците и корисниците, се користи исклучиво во „преклопување“ на JPEG слики заради инстант материјална добивка. Тоа не е и не треба да биде NFT!

Реченицата која многумина панелисти ја повторија во контекст на NFT беше: „Проектите мора да имаат одредена вредност и дополнителна функционалност, како не би се истрошила идејата“.

Доколку планирате да лансирате или креирате проект во еден од сегментите кои припаѓаат на Web3, а кој ќе донесе одредена вредност и функционалност на заедницата и на корисниците врз основа на блокчејн технологијата, Represent Communications може да ви помогне во сите сегменти за развој и маркетинг стратегии.

Ние сме подготвени! А Вие?