Користевме дигитални канали на пазари како што се САД и Канада, западна Европа, источна Азија и ОАЕ за да го позиционираме производот и да допреме до целните групи. Тимот вредно работеше на истражување и анализа за да ги осмисли и претстави најдобрите видови на сценарија за привлекување на корисниците во најкраток можен рок. Освен кон Google Display Network, AdWords за пребарување по клучни зборови и ремаркетинг, се свртевме и кон друштвените мрежи. Благодарение на ваквиот пристап, можевме да ја комбинираме дигиталната содржина и ПР-от. Така го трасиравме патот за претставување на новиот производ на сериозните глобални инфлуенсери и на технолошкиот свет. Финалниот дел подразбираше прилагодување на стратегијата да биде компатибилна со пребарувачот Bing, која користи 20% од северноамериканската популација.