Проекти кои ги поместуваат границите

Represent Communications – Агенција за интегрирани комуникации, освои три награди на традиционалниот фестивал Кактус 2022 – во категориите Индивидуални дела – BTL за проектот Посилни од стравот (за клиентот Рош), Индивидуални дела – Настан за проектот Куќа од иднината (за клиент Еко Натура) и Индивидуални дела – директен маркетинг за проектот Recycle Hate (за клиентот Recan Foundation).

На овогодинешниот фестивал Represent Communications имаше и двајца финалисти во финалниот избор на Кактус All Stars.

“Исклучително ми е драго што од петте пријавени проекти, влеговме во пет финалиња во четири категории, а освоивме награди во дури три категории. Повеќе од 20 години работиме на развој на пазарот, воведувајќи промени и новитети и усовршувајќи ја нашата професија. Годинава покажавме дека, иако првично нѐ перципираат како ПР агенција, секако дека имаме знаење и потенцијал за другите услуги што ги даваме како дел од агенцијата и дека продолжуваме да ги поместуваме границите во проектите што ги правиме, кои беа препознаени од жирито како различни и поиновативни. Со мотото дека секогаш одиме чекор понапред, ќе продолжиме дополнително да ги надградуваме нашите услуги и уште повеќе да го подобруваме нивниот квалитет, така што во годините што следат ќе реализираме кампањи кои ќе оставаат белег и во ова име, па така до крајот на оваа година планираме да излеземе и со нови услуги на пазарот, а  за тоа ќе разговараме кога ќе дојде време“, истакна Тамара Јокановиќ, управен директор на агенцијата Represent Communications.

Едукативниот проект “Посилни од стравот” е започнат со цел да информира за ракот како заболување, важноста на превенцијата и давање поддршка на пациентите и нивните семејства.

Компанијата Натура Еко ја изгради првата 3Д печатена куќа „ПротоДом“ во Источна Европа, која ја направија двајца мажи и една машина, а целта на проектот беше преку иновации да покаже како младите од Србија учествуваат во развојот на најмногу напредни технолошки работи и ја поставија Србија на мапата на земји кои се дел од иднината на автоматизацијата и дигитализацијата во градежната индустрија.

За проектот Recycle Hate, решивме да ги третираме коментарите на омраза како и секое друго ѓубре – да ги користиме како суровина за рециклирање. Користејќи делови од нивните коментари, создадовме нова, смислена изјава, која ја претвори енергијата на омразата во нешто корисно и на тој начин ја демонстрираше активноста на клиентот на недвосмислен начин.

Извор: Nedeljnik.rs