Доколку професионално уредувате профили на социјалните медиуми, сигурно знаете дека не е доволно само да споделите забавен пост и со тоа да постигнете успех. Социјалните мрежи станаа еден од најважните сегменти на комуникација, а компаниите внимаваат на својот имиџ преку нивните сајтови и профили.
Несомнено е дека социјалните мрежи се ризница од информации и искуства, но истовремено може да бидат и основа за рушење на угледот на компанијата, доколку се работи несоодветно и неетички.
Панелот на Digital Marketing World forumu кој се одржа минатата недела во Лондон, ја истражуваше и детално ја презентираше темата и го објасни секој сегмент од него.
[colored-box]Првата грешка која сите ја прават на социјалните медиуми[/colored-box]: да бидат она што не се.
Постојат неколку теории за тоа како да се креира вирална содржина. Доколку постоеше рецепт за тоа, тогаш секоја објава би била иста, а авторот најверојатно ќе беше најплатениот човек во светот.
Факт е дека Фејсбук “сака” видеа и анимации, но не е неопходно секоја таква содржина да биде вирална – важна е содржината. Исто така, некои експерти веруваат дека негувањето на видеа во објавите е бавен и долгорочен процес и често немаме доволно време кога некои брендови се во прашање.
Сепак, ако се придржувате кон тоа, успехот ќе дојде побавно, но ефектот ќе биде подобар.
William Bonaddio, директор на “Will B Social”, работел со Mc Donalds. На споменатиот форум откри на кој начин овој бренд успеа да генерира толку голем број на споделувани постови на социјалните медиуми: секој креиран спонзориран пост имал две варијанти – А и B. Истите биле мониторирани со цел да донесат заклучоци зошто и како едниот поминува подобро од другиот.
Bonaddio ја истакна кампањата во 2016 година, во која Mc Donalds им предложи на купувачите да го натопат својот помфрит во милк шејкот. Metro искоментира: “Многу луѓе го прават тоа, но ова е скриен трик. Сега вашата брутална навика е одобрена”.
Најважно е да се најде рамнотежа меѓу платени објави и органските реакции. Платените објави имаат потенцијал да дојдете до поширока публика – но да внимавате да не дозволите таа да ви биде примарната публика. Затоа е важно да се најде рамнотежа.
Менаџерот на социјалните медиуми Alvin Gunputh објаснува:
– Користиме органски пораки како индикатор – и додава:
– Ние правиме “evergreen” содржина, но ако генерираме позитивна реакција – подобра од очекуваната, тогаш, исто така, дефинираме и буџет за спонзорирање на кампањата.
Добра насока нели? 🙂
